Wär mitem ÖV möcht areisä cha vo Bärn us mitem 6er-Tram (Richtig Worb) bis zur Hautsteu Rüfenacht fahrä und vo dert us loufä. Ds 6er-Tram fahrt bis spät am Abe. Wär nid so wit wot loufe cha vo Rüfenacht us no dr Bus (B794 Richtig Worb Dorf, Bahnhof) bis zur Hautsteu Vielbringen Schulhaus näh. Dr letscht Bus fahrt 17:28 ab Rüfenacht Schlössli. Dr Fuesswäg isch uf de Situationsplän izeichnet.

Wär am Abe no wot hei ga, het ab Rüfenacht am 00:31 ds letschtä 6er-Tram Richtig Bärn Fischermätteli u am 01:01 ds letschtä 6er-Tram bis Bärn Zytglogge. Später fahrt no dr Moonliner M75 ab Rüfenacht Richtig Bärn Bahnhof am 01:55. Aus Alternativä fahrt ou dr Moonliner M15 ab Allmendingen b. Bärn, Käserei Richtig Bärn Bahnhof am 01:25, 01:55, 02:23, 02:55 u 03:28. Dr Fuesswäg nach Allmendingen b. Bärn, Käserei isch öppe glich wit wiä nach Rüfenacht.

Ds erschte 6er-Tram am Morge fahrt am 05:26 vo Rüfenacht Richtig Bärn Fischermätteli.

Wär vor Ort möcht übernachte cha sis Zäut uf dr Wise ufem Gländ ufsteuä oder im Camper ufem Parkplatz schlafä.